Приложение 13.
Андрей Курбский о сражении в Молодях.

... егда, по сожжении великого славного места Московского, многонародного, от Перекопского царя и по опустошению, умиленном и жалостном ко слышанию, Русския земли от безбожных варваров, аки год един спустя, той же царь Перекопский, хотяще уже до конца спуштошити землю оную и самого того князя великого'выгнати из царства его, и поиде яко лев кровоядец, рыкая, розиня лютую пащеку на пожрении християны, со всеми силами своими бу-сурманскими, услышав же сие, наше чюдо забежал пред ним сто и двадесять миль с Москвы, аж в Новгород Великий, а того Михаила Воротынского поставил с войским, и, яко могучи, земли оные спустошен-ныя и окаянные бронити повелел. Он же, яко муж крепкий и мужественной, в полкоустроениях зело искусный, с тем так сильным зверем бусурманским битву великую сведе: не дал ему распростертися, а ни на-мнее воевати убогих християн; но бияшеся крепце зело с ним, и, глаголют, колько дней брань она пребывала. И поможе Бог християнам, благоумного мужа пол-коустроением, и падоша от воинства християнского бусурманские полки, и самого царя сынове два, глаголют, убиени, а един жив изымай на той то битве, царь же сам едва в орду утече, а хоругвей великих бу-сурменских и шатров своих отбежал в ноши. На той же битве и гетмана его славного кровопийцу християнского, Дивея мурзу изымано жива, и всех тех, яко гетмана и сына цареви, так и хоругвь царскую и шатры его послал до нашего хороняки и бегуна, храброго же и прелютого на своих единоплеменных и единоязычных не противящихся ему.

Что же воздал за сию ему службу ? Аки лето едино потом спустя, оного победоносца и обранителя своего и всеа русские земли изымати и связанна привести и пред собою поставити повелел;

он же абие повел, связанна положа на древо между двема огни, жещи мужа в роде по сих же в разуме и в делех насветлейшего; и подгребающе углие горящие жезлом своим проклятым под тело его святое... Оного же преодолетеля славного, смученна и изжена огнем непоминне, наполы мертва, и едва дышаща, в темницу на Бело озеро повести повелел аки три мили с того прелютого пути на путь прохладный и радостный небесного восхождения, - ко Христу своему отьиде.

... понеже немало от турецкого войска на тои-то предреченной битве тогда быша, наипаче же от Баг-мета баши великого двора мнози быша на помощь по-слани Перекопскому цареви и все исчезоша, и не возвратилися, глаголют, ни един в Константинополь.

Сочинения князя Андрея Курбского. СПБ, 1914.